-المقدمة:-
ثلاثية زينو بليد هي ثلاثية حصرية للسويتش من تطوير استديو مونولوث سوفت * يارب ماعيدت بالاسم * وتعتبر لعبة جي اربيجي ان لم يخيب ظني والي يقرا مراجعتي او حتى اطلع لمحة على المدونة بيلاحظ ان اغلب مراجعاتي تندرج تحت هالتصنيف وصحيح انه ثقيل وقد ينزهق منه مراتي لكن افضل تجاربي بالالعاب او معظمها من هالتصنيف وزينو بليد لاتختلف عن ذلك ولو ان المستوى يختلف من جزء لاخر الا ان الرحلة كاملة كانت عظيمة وفعلا من اقوى حصريات الجهاز ومن افضل السلاسل الي لعبتها بالراحة وانصح الجميع بلعبها ان امكن ايضا ناوي مستقبلا ان شاء الله اشيك على زينو قيرز بما اني زينو بليد اعجبتني وبخصوص جزء اكس الصراحة كان ودي العبه واحطه بالمراجعة مره وحده بس جاني تشبع واحتجت بريك طويل ومابغى انسى التجربة فقلت احط الثلاثية واكس لو لعبته يا بتحدث عنه بتويتر او بضيفه هنا لاحقا
....
-تقسيمة المراجعة:-
-مراجعة الجزء الاول ( كالرتم المعتاد قصة-قيمبلاي-ساوندتراك-التقييم ثم الاضافات نعم المجنون لعب الاضافات برضو )
-نفس الكلام للجزء الثاني والثالث
-الخلاصة ورأيي عن الساقا مجملا
-الختام
-الجزء الاول-
طبعا في شغله حاب اقولها ثلاثية زينو بليد تجربتها تختلف من شخص لشخص ومافي رأي ثابت عكس معظم السلاسل الشائعة او نقول رأي شعبي فتشوف فيه الي يفضل الاول عن الثاني وفيه الثاني عن الاول وفيه الثالث عن الاثنين وفيه وفيه عنفسي مع اني حاب عالم الاول ومستمتع برتم الاحداث الا ما انكر كان هالجزء الاضعف بالثلاثية بالنسبة لي وبتطرق لهالكلام بشكل مفصل اكثر بالقصة والقيمبلاي دام هالنقطتين ابرز عواميد الثلاثية والي ترفع او تنزل من مستوى الجزء بس لاتاخذ نظرة سيئة كونه الاضعف لايعني انه جيد عالاقل او هذا رأيي عنه وقبل لابدا بالمراجعة حاب اقول ان الماين مينو حق هالجزء من افضل ماسمعت ومن اجمل مارأيت نعم بسيط سيف فقط لكن حركة ان الجو يتغير والموسيقى تتصاعد رائعة حطيت المقطع في حال من نسي الماين منيو
اسمعو الايقونة
-القصة-
* يوجد حرق طبعا *
كما اسلفت قصة هالجزء بالنسبة لي كانت الاضعف ماقول انها نايمه بس كان اثرها ضعيف وصحيح ان الاحداث تقريبا ماتوقف بس ماكانت بذيك الروعة بخلاف الجزئين الاخرى ثيم القصة جميل سالفة الميكون والهومس حلوة ولو انه مب شي جديد بس اعطى جمالية للعالم وحلو كل ماتتقدم تقابل فصائل مختلفة ومب مجرد هومس وميكون * ربما عيدت بالمصطلح بس سلكو لي في حال كان هالامر* تبدأ القصة بحرب بين الهومس ويواجهم شخصيتي المفضلة بالجزء الاول دانبان بسلاح يدعى المونادو وطبعا ومب اي شخص يقدر يستخدمه فقط كان دانبان الوحيد ومع ذلك استهلكته وجعله يصاب بذراعه لين انتقل السلاح لبطل هالجزء ويدعى شولك والي باستخدامه هالسلاح اعطاه القدرة لرؤية المستقبل ومنها طول الرحلة يحاول يتجنب حدوث الاحداث الشنيعة * موت شخصيات وماشابه * لكن مب كل مره تصيب معه كما حدث مع الامبراطور للاسف, اعجبني لور السلاح وحاب لما يتربط مع شخصيات معينة ويكون له قيمة ذكرني بمدى اعجابي بسلاح بستر سورد من فف7 وكيف صار له قيمة اكثر بدون ماحرق بس الي لعب جزء كرايسس كور بيفهم مقصدي ويمكن الموضوع ماله دخل بس حبيت اطرحه
عالعموم سالفة رؤية المستقبل جميله وفتحت ميكانيك جميل بالقيمبلاي بتطرق له لاحقا لكن مشكلتي مع رؤية المستقبل ان بعضها مايحتاج تشوف الرؤية كاملة حتى تعرف وش الي حاصل واقصد مثلا برؤية الامبراطور يعني يوم قال شولك للميكون الي بوجه بخليك تدفع الثمن للي سويته للامبراطور وفيورا او قال كلام من هالقبيل لحد يدقق باول رؤيه ماكان يحتاج حتى اشوف رؤية اخرى لاحقا عن مشهد موته لان الكلام بحد ذاته علمني وش الي حاصل ممكن تركيز زايد وتصيد ماله داعي بس ماعجبني تكرار الرؤية مطفشة نوعا ما ومتوقعة غير ان ماحسيت بأثر او الصدمه لان مامدى نتعرف عالشخصيات الا وبنفس اللحظة تشوف رؤية بيصير لهم شي او لشخص قريب منهم بيصير له شي لو اعطو الشخصيات وقت اكثر ممكن كانت بتطلع بصورة افضل
بدأت استمتع بالقصة اكثر من حادثه لقاء فيورا وشولك بعد ماكان يحسبها ميته ومن هنا الاحداث تتصاعد تدريجيا وفيه لحظات اكشن ودراميه جميلة وسالفة زانزان وديكسون جيدة اعجبت بها خصوصا مشهد وداع ديكسون اخ والقتال الاخير عذبني بس النهاية متوقعة لكن جميلة وحاب القتالات باللعبة ممتعة في واحد كان شوي غثيث قتال قادولت قتال ديكسون الاخير رائع وفيه خويهم الثالث اقصد خوي دانبان وديكسون على انه كان نشبه لكن قتالاته كانت ممتعة وبشكل العام اغلب القتالات الاساسية ممتعة
-القيمبلاي-
-الكومبات-
فريد من نوعه الصراحة معقد ومرات يصدع بس لما تعرف له وتقعد تتعلم عليه تستمتع فيه اكثر واكثر الحلو ان كل شخصية لها اسلوب مختلف تماما شولك ونظام الضربات من الجهات وقدرات الماندو من خلال وضع الشيلد لتجنب ضربات العدو المميتة او ايقاف الزمن او جعل التيم يضربون الميكون معك والخ وايضا نظام التشين اتاك ممتع خصوصا لاجبت رقم عالي تحس بفخر وانجاز ماتحسه بلعبه اخرى والتيم الي كنت استخدمه كثير هو دانبان احب اللعبة فيه وريكو عشان يرفع التشين اتاك سريع مع دانبان الوضع يصير اسرع من المعتاد وشولك عشان الدمج وقدرات مونادو واغير بينهم الليدر كل مازهقت يب جربت الشخصيات الاخرى ميليا ماعجبتني الا بعدين بعد مافتحت السكلات القوية والاوفر تايم دمج شي خيالي والله
واستخدمتها في الايند قيم كونتينت شارلا وراين مملين وسحبت عليهم من اول ماحصلت الفرصة وممكن ماعرفت لهم زين بس ماهتميت لهم لعبهم مب ستايلي ريكي الحلو فيه مايحتاج تتعب نفسك وبس سبام ضربات الدوت * دمج اوفر تايم الثلج النار الخ * ومبروك عليك واكشلي ممتع صحيح مب من الشخصيات الي دمجها عالي كدانبان وغيره بس ضربات الدوت عشق خصوصا لاضبطت بيلد ممتاز له البار يطير بسرعه وترتاح * شيك الفيديو تحت مثال بنصف اللعبة لكن ساعدني كثير والله بالبوسيز * وانت تلعب فيه خلاف البقية غير انه يهيل بعد سبورت ممتاز والاي اي ممتاز لما يلعب فيه وياه تكلمت واجد الكومبات لكن هو تقريبا او اسف هو امتع شي بالقيمبلاي فيورا برضو ممتعة وتعبي التشين اتاك بسرعة ودمجها حلو يب لاحظت اني حاب كل شخصيات الدبس
-الاستكشاف-
اولا حاب اقول ان عالم اللعبة جميل جدا وزهقت وانا اخذ صور وتعبني الموضوع اكثر لان مافي فوتو مود ولازم كل مره اروح الاعدادات واشيل اليوزر انترفيس بس فعلا بيئات اللعبة مختلفة وساحره موضوع انك تمشي وتلقى ايتيم عالارض وتلقطه واوه يطلع ايتيم تحتاجه بمهمة مستقبلا حلوة ولو ان اخوكم البقرة مره فهى وباع احدى الايتيم المستقبلية وهو متحمس يبيع للتاجر بس ماعلينا هذا غير انك تلقى اماكن الهارت تو هارت والي صحيح بالبداية مابتنفعك لان لازم تحسن العلاقة بين الشخصيات او يكون توك ماجبت الشخصية بس الحلو اللعبة تعلمك بعدين
وموضوع رفع العلاقة مزعج شويتين حتى مع طريقة العدو الي ينوم وتقعد تقوم وتطول القتال لاطول مدة ممكنة مشورة المكان حاله هذا غير انك لازم تقتل عدو معين قبل لانه بيتلقف كل مره بس ماعلينا الحوارات كانت جميلة واعطت زيادة للشخصية مع اني قلتها بالقصة ان الشخصيات ولاسيما البارتي مب مره حبيتهم بس استمتعت برحلتهم المهم ياه اعتقد قلت كلشي يتعلق بالاستكشاف كان ودي وسيلة اسرع للتنقل ومب امشي كعابي طول الرحلة صحيح فيه اوتو رن بس اسويها واخرتها القى نفسي منصدم بمكان وعالق ولا مسحب كم عدو وراي لا شكرا افضل امشي بنفسي وبس والله وللاسف هالامر برضو ينطبق للثاني والثالث والي اشوفه عيب مشترك للاجزاء
الساوندتراك:
ماخفيكم ان من اكثر الاسباب للعب السلسلة هي الساوندتراك سمعت كذا واحد من باب الفضول وغرمت فيه واكتشفت فيه كنز مدفون حصلته وانا العب الاجزاء وهنا من افضل الاوستات بالجزء الاول :
Memories
اول مايشتغل جهز البكاء
Engage the enemy
peak حرفيا الاوست المفضل تعبت اعيده
A Friend on my mind
"its so peaceful. You know shulk? i hope everyday can be like this, always "
وهذا البعض قد اكون ناسي شي لكن مكتفي بالي حطيته
-التقييم-
ممكن يزعل البعض لكن ماقدر اشوفها فوق هالتقييم نعم ممتعة نعم القصة احداثها ماتوقف لكن ماكانت بذيك القوة والقيمبلاي رائع لكن ايضا شخصيات البارتي ماكانو جيدين الصراحة حاب لحظاتهم نعم بس مارتبطت معهم
that's it
- امتع شي باللعبة بالنسبة لي كان القيمبلاي الصراحة لما تتعمق فيه وتسوي بيلدات التيم وتضبط السكل تري والجيمز والسكلات الخ الوقت الي تستثمره هنا ويطلع لك دمج رائع ضد الاعداء ساتيسفاينق غير انه يقدم اكثر من طريقة للعب والتشين اتاك لما تجيبها بسرعة وتجيب رقم كبير عظمة
- عالم اللعبة جميل واختلاف البيئات رائع حتى الوقت الزمني ( الصباح - المغرب المساء ) يطلع الاماكن بشكل اجمل من وقت اخر باختصار تعقييم بصري وحسافة مافيه فوتو مود يسهل التصوير بدال ماخفي الماب كل مره عشان القط الصورة وارجعه ومستغرب كيف انها بهالجودة وهي عالسويتش اخ ليت جهودهم تنحط بجهاز يحترمها
- الساوندتراك ياجماعة رائع وانا متأكد اني نسيت كذا اوست اذكره بفقرة الساوندتراك انقيج ذا انمي مغرم فيه بشده
-السلبيات-
- اول شي كنت متئزم منه هو التنقل او نقول الاستكشاف بالماب نعم تفتح تيلبورت لو حصلت منطقة جديدة بس مرات كثيرة باللعبة يبيك تطق مشوار ياطوله خصوصا ومافيه اي تيلبورت حوله وتمشيها كعابي لين يفرجها ربك ومطفش الصراحة كان ودي يكون فيه مركبة ولاطريقة تسرع الموضوع نعم فيه اعداء واشياء تلقطها بالطريق وفيه اوتو رن بس برضو مايساعد ان العالم كبير بزيادة والمشي لفترة طويله مرهقه ومطفشه
-هالشيء مدري اذا فيه له حل او لا مابحثت وشي بسيط بس يعني غبي شوي الي هو اذا قعدت تجمع سايد كويستات من كذا منطقة وقررت بعدين تلعبها مابتقدر تعرف وين مكانها قبل ماتروح المنطقة مثل نقول فيه مهمة بكلوني 9 وانت بمنطقة اخرى لازم تروح كلوني 9 تسوي تيلبورت ثم يظهر لك علامة التعجب ممكن كشخص يسويها اول باول مابيشوفها سلبية او مابتصير له لكن لكثرة المهام الجانبية ولعدم اهتمامي لها الا بوقت التلفيل اشغلني الموضوع شويتين
-ضبط العلاقة مع الشخصيات يساهم في اشياء عديدة باللعبة من تطوير الجيمز بشكل افضل تحسين دمج وفرصة اكمال الكومبو في التشين اتاك وبرضو مشاهد اللحظات الجميلة بين الشخصيات باماكن مخصصة وامور اخرى المزعج ان طريقة التلفيل طويله ومزعجه حتى مع نظام العدو الي ينوم واطالة القتال تمنيت طريقة اسرع
-عالم جميل زي كذا لازم تقدره بفوتو مود محترم بضغطة زر تخفي اليو اي وتشيل الشخصيات لاني متأكد انهم يحتروني اصور ويستعبطون
- Future Connect الاضافة -
-القصة-
ماعرف اعبر عنها بشكل مفصل هي جيدة واعطت شخصية ميليا دور اكبر ونهاية جيدة لها بس هل كان لها داعي الصراحة؟ ماعتقد يعني لو مالعبتها ماحس اني فوت شي بس برضو كانت جيده ولها لحظاتها الجميلة حاب كيف اثر الثقل عليها بمسؤوليتها لشعبها واضح بهالاضافة وحاب كيف فعلا قد الكلام وحصلت على ثقة الشعب برضو اضافة عيال ريكي للبارتي جيدة حبيت اللحظات الي تحصلها بالماب بين شخصية واخرى والي تعطي بعض اللور مما حصل قبل التايم سكيب ودور الاخت بعناية اخوها واشياء اخرى لطيفة والحلو انها مب زي اللعبة الاساسية طبعا مايحتاج تضبط العلاقة بين الشخصيتين عشان تشوفها وبس ماعندي كلام زيادة غير انها جيدة
-القيمبلاي-
انا متفهم الاضافة كانت تبي تعطي طابع مختلف عن اللعبة الاساسية وتجربه غير لكن هالاضافة عنفسي اشوفها ماتوفقت وزالت اهم الاشياء الممتعة بقيمبلاي الاول ( تشين اتاك - فيوتشر فجن - السكل تري الي منه تقعد تختار اشياء تقوي الشخصية كزيادة فرصة التشين اتاك رفع الدمج تزيد الهيلث الخ بس السكل تري تتمشى اما الاثنين الاخرى كان امتع شيئين باللعبة )
بدلو التشين اتاك بنظام اول اتاك لبونسبيكتر ماجازت لي والي هي فصيلة ريكي تلقطهم فيه ثلاث انواع احمر اصفر ازرق الاحمر يسوي دمج للاعداء الاصفر يشيل البف ويهمك الامر ذا بعدين باللعبة بالاعداء الفوق لانهم يزيدون لفل الاعداء الي حولهم والازرق يهيل ياه اختلاف جيد كاول مره مرتين بس حاب نظام التشين اتاك اكثر
والكومبات حق الشخصيات زي ماهو طبعا وخلو القدرات عشان تفتحها تروح لشوب معين
المناطق ماكانت بنفس جمال اللعبة الاساسية لكن ستل جميلة وتستحق التصوير وهذه بعض مقتطفاتي
برضو ممكن تقييم يزعل البعض لكني ماجامل الصراحة القصة جيدة وميليا اثبتت نفسها بس كل شي ثاني عادي وماكان ذاك الزود ومدتها قصيرة جدا حتى اني استمتع فيها وماحسها شي يستحق اللعب للامانة
-القصة-
* يوجد حرق طبعا *
اخ ولا حق الزعل والله بس الي قهرني الصدق كذا مره يورونا انه قد تقابل مع هيكاري وميتسو وغيره ولاشفنا لمحه وحده عن الموضوع ممكن تصييد وشي مب ذاك الاهمية بس يعني لاشفت اكثر من مره شخص يسوي انتراكشن مع شخص اخر اكيد بيكون لك فضول كيف تلاقو ( صحيح جابو الطاري بالاضافة بس هالشيء مايمنعهم عالاقل مشهد زي ماسوو بمشهد الجلسة حق قبل 500 سنة )
احقاقا للحق العالم جميل والبيئات رائعة بس ماحفزني استكشف زي الجزء الاول ( الي صراحة عالمه تفوق عن الثاني بالنسبة لي ) بسبب الفيلد ارت كما قلت
- الساوندتراك-
لاجديد من السلسلة مكتبة بالساوندتراكات وهذه بعض من المفضلة
Elysium The Dream
Where we used to be
- الايجابيات -
-الجزء هذا ينذكر اكثر من الجزء السابق لانه حسن اقوى سلبيتين كانت بالجزء السابق وهي القصة ( بالرغم ان عليها ملاحظات ) الا انها ممتازة وقدمت لحظات ومشاهد عظيمة ببارتي ممتاز وينحب على خلاف السابق
- لاجديد من السلسلة موسوعة بالساوندتراكات سواء بالمناطق او اللحظات الاكشن وغيرها
-لحظات الاكشن توب نوتش والله مب طبيعي كيف قدمو شي بهالجودة بجهاز رديء كالسويتش تستغرب كيف يطلعها بهالصورة الرائعة
- القيمبلاي عميق وافضل من السابق مجرد ماتفهم له سواء بالبليد كومبو ولا الفيوجن بيكون ادماني بشكل حبيت طريقة الالمنت بالتشين اتاك وانك تجمعها قبل بالبليد كومبو وتشق البوس بعد ماتسوي برست
- السلبيات -
-نظام النافيقشن من اسوء مارأيت في الالعاب عادي يقولك انك بالمكان المطلوب بس تحتاج تروح فوق او تحت وتقعد تضيع بالوقت واخرتها لازم تلف لف الارض عشان تروح للطريق المطلوب والامر تكرر عدة مرات مماسبب باستفزاز باللعب
- الاستكشاف غير محفز بسبب الية الفيلد ارت والي تتطلب لفل عالي منها لاستشكاف مناطق مغلقة باللعبة منها اماكن للبوند والي يجلط استخدموها اجباري بالقصة اكثر من مره
-عدم توافقية الترجمة الانقليزية مع اليابانية بحيث تسبب لخبطة في اسماء الشخصيات والمصطلحات المستخدمه باللعبة وهالشيء غريب لان الاول ماكان كذا حسب ما اذكر
- تلفيل الافينشسي للبليد ممل جدا متكرر بمفهومه كاطعام الشخصية او اعطائه ايتم بالبورتس لعدة حبات او التلويت او القتال وغيره وهالامر ينلحظ لما تنحد بالقصة وماتقدر تكمل الا لما تلفل الفيلد ارت ومالك الا ترفع لفلها لان السمن تعبان وبدرهم ونص وتفتحهم حبه حبه عشان تلقم الزول للمره العشرين
-الخلاصة-
على عدة المشاكل الي ذكرتها سواء بالقصة او القيمبلاي الا انها بالراحة قدمت تجربة افضل من الاول بمعظم الامور واهمها والقصة حبيت لحظاتهم والبود والقيمبلاي على عمقه الا اني مجرد مافهمت له ادمنت واعرفت قد ايش انه مطور عن السابق بالاخير تجربة جميلة ينصح بها
- الاضافة -
كالاضافة السابقة قصيرة لكن كمستوى اشوفها افضل من السابق مب لانها ركزت على حدث جميل بالجزء الثاني ( والي ماشوف ذاك الضروري ولايقدم شي كبير للقصة ) لكن كان جميل جدا واضافات القيمبلاي كانت لمسة حلوه مابسولف واجد بختصر التجربة
....
- القصة -
تركز على حادثة قبل 500 سنة نتعرف فيها على ادم وشخصيته الهزليه الرائعه وكميستري الجميل مع هيكاري وباقي الشله كاسومي لاورا جين ورحلتهم لايقاف ميتسو صحيح مهب ذيك الروعه لكن حبيت لحظات الشلة وخصوصا لاورا وجين التركيز عليهم يوريك قد ايش فعلا جين مهتم لها وماينلام عيبي فقط جزئية الفلر الخايسة برفع الكومينيتي لفل 2 حرفيا باكثر وقت القصة مشتعله كانت ( هجوم ميتسو ) والله مره حركة بايخه وقتلت الرتم وليتها مهام قليلة واجده على غير سنع ولا ياحليلي حسبتها وقفت على لفل 2 صارت لفور بعد وشذا ياشيخ اهين ام الحلب قلل من متعي بالاضافة الصدق ( لاني جاي استمتع مب تفرض علي مهام واطور الافينشسي وغيره وفلر بس عشان تمطط مدة الاضافة )
القتال الاخير ياهو بيك بشكل فكرة تشحن التشين اتاك للميكا وتسوي القدرة والمشاهد هناك ولا غلطة قمة الاضافة ولو ان الوصول لهالجزئية كانت عناء ماله داعي وقورت ياهم حلبوه خلاص مت الله يغثك مب طبيعي النكد مب راضي يتخطى
مابتحدث الاشياء الموجودة باللعبة الاساسية كالبليد كومبو وغيره بتحدث عن الاضافات فقط اولا كل شخصية لها قدرة تستخدمها مثل لاورا تشيل نصف الهيلث وتسوي ريتشارج للابليتيز فكره حلوه وعطت تجديد لطيف باللعب هذا غير ان فعلا يمديك تلعب بالبليد ومب تستخدم قدراتهم فقط ولا بعد الي ماتلعب فيه له قدرات وهو بالخلف يزيد من جمالية اللعب برضو حسيت البليد كومبو هنا اسهل بمراحل وسهل تفرم المنت للتشين اتاك على خلاف اللعبة الاساسية وبس اعتقد ذي اهم الامور الافينشيسي لتطوير البليد نفس الخياس وبس اعتقد قيمبلاي الاساسية حلو اصلا والاضافة برضو حلو فزاد من متعة الاضافة الصراحة
...
- التقييم -
